Maak jou eie yoghurt

Daar is baie maniere om yoghurt te maak. Hierdie een werk vir my.

Ek gebruik n vlekvrye staal kastrol, n “candy” termometer, draad klitser, n glas beker en 4 x 500ml consol bottels met deksels.

Resep:

2 liter melk

125ml natuurlike yoghurt (half koppie)

2 eetlepels melkpoeier

Metode:

1. Steriliseer alles voor jy begin.
2. Gooi melk in kastrol en voeg melkpoeier by, meng goed met n draad klitser (whisk). Die melkpoeier gee n dikker yoghurt.
3. Verhit tot 90 grade Celsius, ek roer gereeld sodat die melk nie aanbrand nie.
4. Haal van plaat af en sit nou kastrol in wasbak met koue water.
5. Koel af tot 45 grade celsius, haal uit wasbak, voeg yoghurt by, meng baie goed.
6. Ek gooi nou melk in glasbeker net omdat dit makliker in die flesse in skink. Maak flesse vol en draai deksels op.
7. Plaas flesse in koelsak met 2 liter bottel vol warm kraanwater.
8. Vou handdoek of fleece kombersie oor , maak koelsak toe en los die yoghurt om hulle eie ding te doen, moenie aan die bottels skud of oopmaak nie.
9. Laat staan oornag of vir 12 ure.
10. Waneer ek my koelsak die volgende oggend oop maak is die water in die plastiek bottel gewoonlik nog lou warm. Plaas in yskas en geniet.
11. Jy kan n half koppie van die yoghurt gebruik om jou nuwe yoghurt te maak.

Notas:

Gebruik natuurlike yoghurt met “live cultures”, sonder enige preserveermiddels of gelatine. Ek gebruik gewoonlik Gero of yoghurt van Woolies.

Jy kan die yoghurt geur met heuning, stroop, Nesquick – my kinders hou van die aarbei een of ingelegde vrugte. Jy kan nie vars vrugte gebruik indien jy dit wil bêre nie, gebruik dit dadelik met vars vrugte.